Ye Jeet Haar To is Daur Ka Muqaddar Hai,

Ye Jeet Haar To is Daur Ka Muqaddar Hai,
Ye Daur Jo K Puranaa Nahin Nayaa Bhi Nahin,
Ye Daur Jo K Saza Bhi Nahin Jaza Bhi Nahin,
Ye Daur Jiska Ba'Zaahir Koi Khuda Bhi Nahin,
Tumhari Jeet Eh'm Hai Na Meri Haar Eh'm,
Ke Ibteda Bhi Nahin Hai Ye Inteha Bhi Nahin,
Shuru Maa'rka_e_Jaan Abhi Hua Bhi Nahin,
Shuru Ho To Ye Hungaam_e_Faislaa Bhi Nahin,
Payaam Zeir_e_Lab Ab Tak Hai Saur_e_Israafiil,
Suna Kisi Ne Kisi Ne Abhi Suna Bhi Nahin,
Kia Kisi Ne, Kisi Ne Yaqeen Kia Bhi Nahin,
Uthaa Zameen Se Koi, Koi Uthaa Bhi Nahin,
Qadam Qadam Pr Diye Hain Wo Rah'Zanon Ne Fareib,
Ke Ab Nigaah Nein Toqeer_e_Rehnuma Bhi Nahin,
Usay Samajhte Hain Manzil Jo Raastaa Bhi Nahin,
Wahaan Lagaate Hain Deiraa Jahaan Wafa Bhi Nahin,
Ye Kaarwaan Hai to Anjaam_e_Kaarwaan Maa'loom,
Ke Ajnabi Bhi Nahin Koi Aashnaa Bhi Nahin,
Kisi se Khush Bhi Nahin Hai Koi Khafaa Bhi Nahin,
Kisi Ka Haal Koi Murr Ke Poochta Bhi Nahin....!!!